كان ياما كان
بتحاول تكتم جوا القلب صراخ ودموع في العين
وكل ردودك كانت زين والحال مش زين
جربت تحرك جوا مشاعرك حرف الشد
وتضم في نفسك تخلق جوا سكوتك حد
جربت تُجر الوهم بحركة كسر
وتنفي الماضي بأرض الهجر
طب جرب مرة ترفع راسك فوق الهم
وتسند قلبك جوا ضلوعك بالأذكار
حرر عقلك من توهان الحلم وسور وحصار
ودايرة ماضي بقاله زمان
أهو ماضي وكان
عيش بأمان
وارجع تاني وفكر روحك ليه موجود؟
وليه في الأرض بقيت إنسان؟
هتلقى ساعتها الدنيا أمان
وأهو كان يامكان
