جواباتك فين يا اسطى حراجي
جواباتك فين يا اسطى حراجي،
تاهت عنواينك يا حراجي وفين جبلاية الفار؟
راح فين الونس اللى فى سطرك بيدفي الروح
ويطفي الشوق اللى بيسكن فى ضلوع القلب،
ترتيبها الصعب!
عجيب الشعر اللي بيكتب أنفاس الناس
محبوب لو راح تقرا حروفه، بنبض واحساس
لكن محتاس يا حراجي فى كلام الناس
الناس راح توصف قولي ويقولوا عليه عشقان
هيقولوا ع الوش الكِشري، راح يكتب شعر
راح يكتب بحروفه النار والدخان
محتار انا لو يُنطق حرفي هيقولوا الله
راح لما هيقرولي ولاشيء
راح اقولك شيء، لو كان لحراجي معاك فى الأصل حوار
كان سابك فوق جبلاية الفار
شهرين،
سنتين،
دهرين كاملين تسمع أشعار
وتبطل تكتب حتى يهل، حتى يُطل النور من الحرف فيبان
الشعر إحساس يتشاف فى الحرف
مش رص حروف
وتوزيع ألوان
أو صوت الهون، فى ودان صبيان
جواباتك فين يا اسطى حراجي جواباتك فين
